Resolva as sús dúbidas

Apoderados e interventores

Que é un apoderado?

Os representantes de cada candidatura poden outorgar poder a favor de calquera cidadán, maior de idade e que se atope en pleno uso dos seus dereitos civís e políticos, ao obxecto de que ostente a representación da candidatura nos actos e operacións electorais. Se trata do apoderado.

Os apoderados poden acceder libremente a todos os locais electorais, examinar o desenvolvemento da votación e do escrutinio en calquera Mesa, formular reclamacións e protestas e pedir certificacións.

Os apoderados, se non hai interventores da súa candidatura, poden actuar como tales perante a Mesa, participando nas súas deliberacións con voz e sen voto.

Os apoderados deben identificarse como tales exhibindo as súas credenciais e o seu Documento Nacional de Identidade aos membros da Mesa.

Os apoderados non votan na Mesa se non figuran no censo da mesma.

Que fai un interventor?

O representante de cada candidatura pode nomear, ata tres días antes da elección, dos interventores por cada Mesa electoral, mediante a expedición de credenciais talonarias, coa data e sinatura ao pé do nomeamento.

Estes interventores poden asistir á Mesa e participar nas súas deliberacións con voz pero sen voto. A estes efectos, os interventores de cada candidatura acreditados perante a Mesa poden substituírse entre si mesmos.

Desempeñan a súa función só na Mesa perante a que están acreditados.

Poden formular reclamacións e protestas e pedir certificacións.

Votan na Mesa perante a que están acreditados, aínda que non estean incluídos no censo electoral da mesma, sempre e cando figuren inscritos no censo da circunscrición correspondente a esa Mesa. En caso contrario, só poderán votar por correo na Mesa en cuxo censo figuren inscritos.