Resolva as sús dúbidas

O Congreso dos Deputados

Que é o Congreso dos Deputados?

O Congreso dos Deputados é unha das dúas Cámaras que conforman as Cortes Xerais, á que a Constitución reservou unha serie de importantes funcións e facultades.

O Congreso autoriza a formación do Goberno, pode provocar o seu cese, coñece en primeiro lugar a tramitación dos proxectos lexislativos e dos orzamentos e debe confirmar ou rexeitar as emendas ou vetos do Senado sobre estes textos lexislativos.

Cantos deputados compoñen o Congreso?

O número de deputados é de 350.

A distribución de deputados por provincias faise da seguinte maneira: A cada unha das cincuenta provincias correspóndelle un mínimo inicial de dous deputados. As cidades de Ceuta e Melilla elixen un deputado cada unha.

Os restantes 248 deputados repártense entre as cincuenta provincias en proporción á súa poboación.

O Real Decreto de convocatoria das eleccións concreta o número de deputados a elixir en cada provincia.

Como se elixe aos deputados?

Todos os deputados son elixidos por sufraxio universal, libre, igual, directo e secreto. En cada provincia, elíxense tantos deputados como correspondan, segundo o fixado no Real Decreto de convocatoria.

Os partidos políticos presentan as súas candidatos en listaxes fechadas e bloqueadas, de forma que o día das eleccións, o elector non pode seleccionar candidatos individuais ou alterar a orde das listaxes, se non que escollerá a papeleta do partido elixido introduciraa no sobre correspondente.