Resolva as sús dúbidas

As Mesas electorais

Que é unha Mesa electoral?

A Mesa electoral forma parte da Administración electoral, xunto coas Xuntas Electorais.

Está composta por tres cidadáns -un Presidente ou Presidenta de Mesa e dous vogais que sexan menores de setenta años e saiban ler e escribir.

Os membros da Mesa serán elixidos por sorteo entre as persoas censadas na Mesa.

O Presidente debe ter o título de Bacharelato ou o de Formación Profesional de segundo grao ou subsidiariamente o de Graduado Escolar ou equivalente.

Como se designa aos membros das Mesas electorais?

A selección dos membros das Mesas corresponde aos Concellos, mediante sorteo realizado en sesión plenaria, se ben o sorteo pode realizarse perante a Xunta de Goberno Local, en caso de que o Pleno do Concello teña delegado nela esa competencia e sempre que se leve a cabo en sesión pública. Os sorteos celebraranse entre o 21 ao 25 de novembro.

Que dereitos teñen os membros das Mesas electorais?

Os Presidentes e vogais das Mesas, así como os suplentes que resulten finalmente designados como membros titulares da Mesa:

• Percibirán unha dieta de 62,61 euros.
• Terán dereito a unha redución de a súa xornada de traballo de cinco horas o día inmediatamente posterior.
• Estarán protexidos polo sistema da Seguridade Social fronte ás continxencias e situacións que poidan derivarse da súa participación nas eleccións.

Que pasa se non me presento na Mesa da que debo formar parte?

Os cargos de Presidente ou Presidenta e vogais das Mesas electorais son obrigatorios. Non poden ser desempeñados por quen se presenten como candidatos.

O Presidente ou Presidenta, os vogais e suplentes que non acudan a desempeñar as súas funcións incorrerán en pena de prisión de tres meses a un ano ou multa de seis a vinte e catro meses.

A designación como Presidentes e vogais das Mesas debe ser notificada aos interesados entre o 21 e 28 de novembro (3 días dende sorteo). Coa notificación se entregará un Manual de Instrucións para os membros das Mesas electorais supervisado pola Xunta Electoral Central e aprobado por Acordo do Consello de Ministros.

Os que teñan sido designados Presidentes e vogais das Mesas, dispoñen dun prazo de sete días para alegar perante a Xunta Electoral de Zona causa xustificada e documentada que lles impida a aceptación do cargo. A Xunta resolve sen ulterior recurso no prazo de cinco días e comunica, no seu caso, a substitución producida ao primeiro suplente.

Se posteriormente, calquera dos designados estivera en imposibilidade de acudir ao desempeño do seu cargo, debe comunicalo á Xunta Electoral de Zona, polo menos 72 horas antes do día das eleccións, aportando as xustificacións pertinentes.

Se o impedimento sobrevén despois dese prazo, o aviso á Xunta haberá de realizarse de maneira inmediata e, en todo caso, antes da hora de constitución da Mesa. En tales casos, a Xunta comunica a substitución ao correspondente suplente, se hai tempo para facelo, e procede a nomear a outro, se fora preciso.

Como se constitúe a Mesa o día das eleccións?

O Presidente ou Presidenta, os dos vogais de cada Mesa electoral e os respectivos suplentes, se os houbera, reúnense ás oito horas do día 20 de decembro no local correspondente.

Se o Presidente ou Presidenta non acudiu, substitúeo o seu primeiro suplente. En caso de faltar tamén este, substitúeo un segundo suplente, e se este tampouco acudiu, toma posesión como Presidente ou Presidenta o primeiro vogal, ou o segundo vogal, por esta orde. Os vogais que non acudiron ou que toman posesión como Presidentes son substituídos polos seus suplentes.

Non pode constituírse a Mesa sen a presenza dun Presidente ou Presidenta e dos vogais. No caso de que non poida cumprirse este requisito, os membros da Mesa presentes, os suplentes que houberan acudido ou, no seu defecto a autoridade gobernativa, estenden e subscriben unha declaración dos feitos acaecidos e envíana por correo certificado á Xunta Electoral de Zona, a quen comunican tamén estas circunstancias telegráfica ou telefonicamente.

A Xunta, en tal caso, designa libremente ás persoas que haberán de constituír a Mesa electoral, podendo incluso ordenar que forme parte dela algún dos electores que se atope presente no local. En todo caso, a Xunta informa ao Ministerio Fiscal do acontecido para o esclarecemento da posible responsabilidade penal dos membros da Mesa ou dos seus suplentes que non compareceron.

Se pese ao establecido no parágrafo anterior non puidera constituírse a Mesa unha hora despois da legalmente establecida para o inicio da votación, as persoas designadas no parágrafo terceiro deste artigo comunicarán esta circunstancia á Xunta Electoral de Zona, que convocará para nova votación na Mesa, dentro dos dous días seguintes. Unha copia da convocatoria fixarase axiña na porta do local electoral e a Xunta procederá de oficio ao nomeamento dos membros da nova Mesa.