Transferencia dos importes das subvencións por gastos electorais

IMPORTANTE: Para que o Ministerio do Interior poida tramitar as subvencións por gastos electorais é imprescindible que se comunique á Xunta Electoral competente, ou no seu momento ao Tribunal de Contas, para que estes o poñan en coñecemento da Dirección Xeral de Política Interior, o seguinte:

Denominación da entidade política, indicando se é partido, federación, coalición ou Agrupación de electores.
Provincia na que se obtiveron resultados electorais ou onde se encontra a sede central.
Datos identificadores do Administrador (Nome, Apelidos, Domicilio, Localidade e Provincia), autorizando o consentimento de verificar os seus datos persoais a través do Sistema de Verificación de Datos de Identidade ou fotocopia do seu DNI.
Modelo de designación de conta bancaria e comunicación da baixa de datos bancarios do Ministerio de Economía e Competitividade, na que se debe reflectir:
- Os 24 díxitos do código IBAN
- Os datos identificadores do Administrador, que é ao que se lle fai a transferencia, polo que debe aparecer como titular ou co-titular.
- A denominación da entidade política á que representa o citado Administrador.

Esta información pódese remitir directamente á Dirección Xeral de Política Interior, sempre que se teña comunicado anteriormente aos órganos mencionados arriba.