VOTO ACCESIBLE
Guía Explicativa [EUSKERA (Navarra)]
I. “EUROPAKO PARLAMENTURAKO HAUTESKUNDEAK 2009” BOTO EGOKITURAKO PRESTATUTAKO SORTAN ZER DAGOEN
Europako Parlamenturako 2009ko Hauteskundeetan erabiltzeko, boto egokiturako sortan honako hauek ditugu:
- Azalpenen gida hau, braillez idatzia.
- Botoa emateko gutun-azal normalizatua, braillez idatzia ez dagoena.
- Gutun-azal handi bat, eta haren barrenean:
Europako Parlamenturako 2009ko Hauteskundeetan aurkezten diren kandidaturak adina gutun-azal. Gutun-azal horietako bakoitzean etiketaturik dator, braillez eta tintaz idatzita, kandidatura baten izena. Gutun-azal bakoitzaren barrenean boto-orri normalizatua dago, kanpoko etiketan jartzen duen izenari dagokiona.
II. BOTOA EMATEKO JARRAIBIDEAK
A. Botoa nola prestatu
- Ireki gutun-azal handia, eta atera barreneko gutun-azalak, kandidaturen izenak tintaz eta braillez idatzita dauzkatenak. Braillezko etiketa daukaten gutun-azaletatik,
- aukeratu botoa eman nahi zaion hautagai-zerrendari dagokiona. Ireki gutun-azal hori eta atera boto-orri normalizatua.
- Sartu boto-orri hori botoa emateko gutun-azal normalizatuan: braillez eta tintaz etiketatuta ez dagoen bakarra da.
B. Bozketa
1. Jarraian, joan hauteskunde-mahaira eta, nork bere burua identifikatzeko, agiri hauetakoren bat erakutsi behar zaio mahaiburuari:
- Nortasun Agiri Nazionala (NAN). Tramitatzen ari den NANaren frogagiriak ez du balio, hartan hauteslearen argazkirik ez delako agertzen.
- Pasaportea (argazkiarekin).
- Europar Batasuneko hiritarrak bizileku-txartelarekin identifikatu ahal izango dira, baldin badaukate.
2. Eman bozkatzeko gutun-azala (gutun-azal normalizatua, braillez eta tintaz etiketatuta ez dagoena) mahaiburuari, hark hautestontzian sar dezan, hautesle guztientzako araudian ezarrita dagoen moduan.
C. Sobra gelditutako materiala
Behin botoa emanda, komeni da hautesleak berarekin eramatea boto egokiturako erabili duen material-sortatik sobratu den guztia, emandako botoaren sekretua ziurtatzeko.
