%30 AURRERATZEA (5/1985 Lege Organikoa, Hauteskundeen Araubide Orokorrari buruzkoa, 127 bis artikulua) ESKAERA

 

ESKAERA: 
Hautagai-zerrendaren administratzaileek eskatuko dute maiatzaren 24tik 26ra bitartean:

• Probintziako Hauteskunde Batzordeari, hautagaitza probintzia bakarrean aurkezten bada.
• Hauteskunde Batzorde Zentralari, hautagaitza probintzia batean baino gehiagotan aurkezten bada.

EMATEA:
Barne Politikako Zuzendaritza Nagusiak ekainaren 1etik aurrera jarriko du aurrerakina hautagai-zerrenden administratzaileen esku, baldin eta:

• Hauteskunde Batzordeek entitate politikoetako administratzaileek egindako eskaerak Zuzendaritza Nagusi horri helarazi badizkiote.
• Hauteskundeetarako kontu korrontea (banku-kontuaren nazioarteko zenbakiaren hogeita lau digituak) eman bazaio Zuzendaritza Nagusi horri, Altxorreko eta Finantza Politikako Idazkaritza Nagusiaren Banku-kontua izendatzeko eta banku-kontuen baja jakinarazteko ereduaren bidez.
• Hautagai-zerrendaren administratzailearen identifikazio-datuak eman bazaizkio Barne Politikako Zuzendaritza Nagusiari eta baimena eman bazaio datu horiek Nortasun-datuak egiaztatzeko Sistemaren bidez kontsultatzeko. Baimenaren ordez, nortasun-agiri nazionalaren fotokopia igor daiteke.

AZKEN HAUTESKUNDE OROKORRETAKO GASTUETARAKO DIRU-LAGUNTZAK JASO ZITUZTEN ALDERDI, FEDERAZIO ETA KOALIZIOEI EMANGO ZAIE AURRERAKINA, BAI EMAITZENGATIK, BAI HAUTESKUNDE-PROPAGANDA BIDALTZEAGATIK. HAUTESLE-ELKARTEEK EZ DUTE AURRERAKIN HORI JASOTZEKO ESKUBIDERIK.

%90 AURRERATZEA (5/1985 Lege Organikoa, Hauteskundeen Araubide Orokorrari buruzkoa, 133.4 artikulua)

 

BETEKIZUNAK: 

• Diputatu edo senatari hautetsiak lortzea.
• Kontuen Auzitegiari hauteskunde orokorretako kanpainan egindako gastuen kontabilitatea aurkeztea ekainaren 26tik 100 eta 125 egunetara (2016ko urriaren 4tik 29ra bitartean). Kontabilitatea aurkeztu beharko da bai formazio politikoak hautetsiren bat lortu badu, bai hautetsirik lortu ez baina %30eko aurrerakina jaso badu.
• %90eko aurrerakinaren %10eko bermea jartzea (banku-abala edo gordailu-kutxako diru-gordailua). Bermea jarri dela frogatzeko, hilabeteko epea dago Barne Politikako Zuzendaritza Nagusiak hautagai-zerrendaren administratzaileari %90eko aurrerakinaren zenbatekoa jakinarazi ondoren. %10 hori gordailatu ezik, diru-laguntzaren tramitazioan ehuneko hori kenduko da; beraz, halako kasuetan %81 ordainduko da.
• Hautesleek Gorte Nagusietako kide-izaera osoa hartu dutela eta karguaren eginkizunetan dihardutela egiaztatzen duen agiria aurkeztea, Hauteskunde Administrazioak hala erabakitzen badu. (Halako erabakirik ez badago, ez da beharrezkoa)
• Ez da aurrerakina emango baldin eta entitate politiko batean epaiz kondenatutako pertsonaren bat badago, nahiz eta epaia irmoa izan ez, era honetako delituak direla eta: asaldaketa, terrorismoa, Administrazio Publikoaren edo Estatuko erakundeen aurkakoak; baldin eta epai horrek zigor hauetako bat jarri badu: hautagai izateko eskubidea egikaritzeko desgaikuntza, desgaikuntza absolutua edo berezia, edo aldi baterako enplegu edo kargu publikorik gabe uztea, zigor-legerian ezarritako terminoetan.

LIKIDAZIOA (5/1985 Lege Organikoa, Hauteskundeen Araubide Orokorrari buruzkoa, 134.5 artikulua)

 

BETEKIZUNAK: 

• Kontuen Auzitegiak hauteskundeetako kontabilitateak ikuskatzen ditu eta Gorte Nagusietako  Kontuen Auzitegiarekiko Harremanetarako Batzorde Mistoari igortzen dio txostena.
• Batzorde Misto horrek ebazpena ematen du eta Estatuko Aldizkari Ofizialean argitaratzen da.
• Batzorde Mistoaren Ebazpena Estatuko Aldizkari Ofizialean argitaratu ondoren, Barne Politikako Zuzendaritza Nagusiak entitate politikoei dagozkien zenbatekoen behin betiko ebazpenak ematen ditu.