Os electores que se atopen temporalmente no estranxeiro entre a convocatoria dun proceso e a súa celebración, e desexen votar, deberán solicitalo previamente.

Solicitude

 

O impreso de solicitude poderá atopalo nos Consulados e Embaixadas e descargalo aquí.

A solicitude cuberta deberá entregarse persoalmente no Consulado ou Embaixada.

Para poder formular a solicitude, o elector deberá estar inscrito no Rexistro de Matrícula Consular como non residente. Ambos os trámites (solicitude e inscrición) pódense realizar no mesmo acto.

O prazo para presentar a solicitude finaliza o día 28 de maio (ampliado o prazo ata o 6 de xuño).

Documentación para votar

 

A Oficina do Censo Electoral enviaralle a documentación para votar.

Os envíos realizaranse en todo caso antes do 14 de xuño. A este prazo deberá sumarse o tempo que tarde en chegar a documentación ao domicilio no estranxeiro.

En que consiste esta documentación electoral que remite a Oficina do Censo Electoral?

• unha folla informativa.
• certificado de inscrición no censo.
• papeletas e sobres de votación.
• un sobre no que debe figurar a dirección da Mesa electoral que lle corresponda.
• un impreso oficial destinado a posibilitar o reintegro dos gastos de franqueo, no seu caso.

Como votar

 

O elector deberá seleccionar a súa opción de voto:

• Para a elección de Deputados, introducirá a papeleta correspondente á candidatura elixida dentro do sobre de votación de cor branca.
• Para a elección de Senadores, marcará o/os candidatos da súa elección atendendo ás instrucións recollidas na papeleta. Despois meterá esta papeleta no sobre de votación de cor sepia.

• Sobres de votación coas papeletas.
• O certificado de inscrición no censo.
• Se así o desexa, o impreso cuberto para a devolución dos gastos do envío.