Elecciones 2019

Barne Arazoetako Ministerioari dagokio Gobernuaren politika gauzatzea oinarrizko eskubideak egikaritzeko baldintzak sustatzeari dagokionez, Espainiako Konstituzioan eta hura garatzen duten legeetan ezarritako moduan.

Barne Politikako Zuzendaritza Nagusia, Barne Arazoetako Ministerioaren Idazkariordetzaren mendekoa, da eginkizun hauek eman zaizkiona, besteak beste:

• Hauteskunde prozesuei eta hautesle kontsulta zuzenei dagokienez Barne Arazoetako Ministerioaren eskumenak kudeatzea.
• Hauteskunde Administrazioarekiko beharrezko harremanak eta, bereziki, Hauteskunde Batzorde Zentralarekikoak mantentzea.
• Autonomia erkidegoetan hauteskunde arloko eskumena duten organoekiko harremanak kudeatzea.
• Hauteskunde arloan eskumenak dituzten beste Ministerioen mendeko unitateekin koordinatzea.
• Alderdi politikoen erregistroa eta araubide juridikoa aplikatzea.
• Formazio politikoentzako Estatuaren urteko diru laguntzen eta hauteskunde gastuengatiko diru laguntzen kudeaketa, indarrean dagoen legedian ezarritako moduan.
• Hauteskunde prozesuen kudeaketa modernizatzeko informatika eta komunikazioen garapenaren zuzendaritza eta koordinazioa.
• Hauteskunde prozesuei buruzko informazioa eskuragarri jartzea, hautesle erroldako datuak izan ezik, eta hauteskunde emaitzen zaintza eta zabalkunde publikoa egitea.
• Ministerioaren harremana Gobernuaren Ordezkaritzekin eta Ordezkariordetzekin.

Barne Arazoetako Ministerioaz gain, aktiboki hartzen dute parte Ekonomia eta Enpresa Ministerioak (honen mendean dago Hautesle Erroldaren Bulegoa), Atzerri Arazoetako, Europar Batasuneko eta Lankidetzako Ministerioak (atzerriko espainiarren sufragio eskubidea gauzatzeari dagokionez), eta Sociedad Estatal Correos y Telégrafos SA (posta bidezko botoa egiteko).

Komunikazioko Estatu Idazkaritzak (Gobernuaren Lehendakaritza eta Gobernuaren Eleduna) ere egiteko garrantzitsuak ditu hauteskunde prozesuan (komunikabideekiko harremanak, prentsaurrekoak hauteskunde egunean eta abar).