.svg/a717ffbb-ada6-1c55-87b8-28eeaa96002b_t=1553023369569){kind=small}
Sistema Electoral
As papeletas para estes procesos deben estar impresas por unha soa cara e conter a denominación, sigla e símbolo do partido, federación, coalición ou agrupación de electores e electoras que presenten candidatura. Ademais, deben incluír a lista completa de nomes e apelidos dos candidatos e candidatas, e suplentes que compoñen a candidatura.
A cor das papeletas e dos sobres de cada elección será o seguinte:
- Eleccións ao Parlamento Europeo: cor azul clara.
- Eleccións Municipais: cor branca.
- Eleccións Autonómicas: cor sepia, agás que a Comunidade Autónoma teña disposta outra cor.
Onde haxa, eleccións a Entidades Locais de Ámbito Territorial Inferior ao Municipio ou eleccións a Cabidos Insulares, as papeletas e sobres para estas serán de cor verde clara.
Para as eleccións a Consellos Insulares de Mallorca, Menorca e Ibiza a cor das papeletas e sobres será gris.
Nas eleccións ao Parlamento Europeo, as Mesas electorais recibirán das Delegacións do Goberno, Subdelegacións do Goberno e Direccións Insulares da Administración Xeral do Estado os sobres e papeletas necesarios para a realización destas.
Nas eleccións municipais corresponde ás Corporacións locais a entrega ás Mesas electorais das papeletas necesarias para a súa celebración. A mesma obrigación corresponderá aos Cabidos Insulares nas súas respectivas eleccións.
As primeiras papeletas e sobres de votación que se fabrican son entregadas á Oficina do Censo Electoral para que atenda as solicitudes de voto por correo e do voto de as persoas que residen estranxeiro.
En España a circunscrición electoral para a elección dos Deputados e Deputadas do Parlamento Europeo é o territorio nacional; así pois, as formacións políticas que presentan candidaturas fano mediante unha lista única e común en todo o territorio nacional.
Agora ben, as candidaturas poderán solicitar que o ámbito de difusión das súas papeletas sexa inferior ao estatal, cunha denominación, sigla e símbolo diferentes, e mudar os candidatos e candidatas incluídos nestas listas.
A circunscrición electoral nas eleccións municipais é o municipio. Cada termo municipal constitúe unha circunscrición na que se elixe un número de concelleiros e concelleiras segundo a escala seguinte:
- Até 100 residentes: 3
- De 101 a 250 residentes: 5
- De 251 a 1.000: 7
- De 1.001 a 2.000: 9
- De 2.001 a 5.000: 11
- De 5.001 a 10.000: 13
- De 10.001 a 20.000: 17
- De 20.001 a 50.000: 21
- De 50.001 a 100.000: 25
- De 100.001 en adiante, un concelleiro ou concelleira máis por cada 100.000 residentes ou fracción, engadíndose un máis cando o resultado sexa un número par.
Esta escala non se aplica aos municipios que funcionan en réxime de Concello Aberto, onde se elixe directamente ao alcalde ou alcaldesa por sistema maioritario
Nas eleccións ao Parlamento Europeo, a atribución de escanos en función dos resultados do escrutinio realizase conforme ás seguintes regras:
- Ordénanse de maior a menor, nunha columna, as cifras de votos obtidos polas candidaturas.
- Divídese o número de votos obtidos por cada candidatura por 1, 2, 3, etc., até un número igual ao de escanos correspondentes á circunscrición.
- Os escanos atribúense ás candidaturas que obteñan os cocientes maiores, atendendo a unha orde decrecente.
A atribución dos postos en cada Concello realízase seguindo o mesmo procedemento anterior.
Ademais non se terán en conta aquelas candidaturas que non houberan obtido, polo menos, o 5 por 100 dos votos válidos emitidos na mesma circunscrición.